«Бие-бие, Хәйбулла!» - «Идел» журналы Нурбәк Батулланың клибын тәкъдим итә
«Идел» журналының ТЫРТЫЛ (Malsi Music һәм Нурбәк Батулла) дуэты белән берлектә эшләгән җыры һәм клибы чыкты. Ул «Бие-бие, Хәйбулла» такмагына язылган.
Әлеге клип татар мирасын заманча форматларда популярлаштыруга юнәлтелгән «Алло, Илһам» проектында тәкъдим ителә. «Идел» редакциясе берничә ай дәвамында диджитал-контент — шигырьләр язу һәм яздыру, визуаль һәм музыкаль продуктлар — булдыру белән шөгыльләнгән.Новости СМИ2
«Нейрочелтәрдән җыр яздыру уе спонтан рәвештә ИДЕЛ журналисткасы һәм сонграйтер Зөләйха Камалованың башына килде. Ул күпләргә балачактан ук таныш булган «Бие-бие, Хәйбулла» такмагына икенче сулыш өреп карага алынды. Нейрочелтәр исә трек «трип» һәм «хаус» стилендә яңгырарга тиеш дип, биетә торган композиция язды. Ә Зөләйха татар фольклорчысы Нәкый Исәнбәт язып калдырган текстны тагын бераз киңәйтте. Нәтиҗәдә, фольклор һәм заманчалык симбиозы туды.
Нейрочелтәр белән язылган җырны без Казан битмейкеры Ислам Вәлиевка (Malsi Music) тапшырдык. Ул трекка «җан» һәм кубыз кебек милли уен кораллары яңгырашын өстәп җибәрде.
Җыр биергә һәм тормышка уңай яктан карарга чакыра, шуңа күрә аны һичшиксез бүгенге көндә иң популяр биючеләрнең берсе Нурбәк Батулла башкарырга тиеш. Ул җырын да җырлады, клипта да төп рольне башкарды. Клипның концептын һәм сценариен драматург Динә Сафина белән бергә эшләдек, ә оператор һәм монтаж режиссеры — Кирилл Янковский. Клипны төшерү ике локациядә — MOÑ театр мәйданчыгында һәм «ТАТМЕДИА» бинасында узды .
Әлеге проект Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе һәм Yummy Music инди-лейблы ярдәмендә гамәлгә куела».
Җырны монда тыңларга мөмкин:
https://band.link/biebie
Клип
ВКонтакте челтәрендә
Ютуб
Клип төшерүдән фоторепортажны бу сылтамага кереп яки язмадан соңгы фоторепортажда карый аласыз. «Идел» журналы фотолары.
«Идел» журналын укыгыз!
ВКонтакте
Телеграм
Ютуб
Производитель китайских смартфонов раскритиковал конкурентов 
Половина пользователей рунета никогда не меняет пароли с момента первой установки 
Роскачество: неожиданное изменение настроек роутера может указывать на его взлом 
Специалист Бедеров: россияне могут получать поддельные ссылки в "черную пятницу" 
Google Play назвал лучшие приложения и игры 2024 года: узнайте победителей! 
Apple представит обновленную Siri на основе ИИ-моделей в 2025 году 
40% россиян никогда не меняют пароли в соцсетях 
